Hazırda Dövlət Proqramı ilə xaricdə təhsil alan 700-dən çox məzunumuz var.

Gazette.az Azedu.az-a istinadən xəbər verir ki, bu sözləri  xaricdə təhsil üzrə Dövlət Proqramı məzunları üçün karyera sərgisində Dövlət Proqramının idaretmə qrupunun rəhbəri Qədir Xəlilov bildirib. 

“İnsan kapitalının neft kapitalından insan kapitalına keçirilməsi, cənab Prezidentin tərəfindən həyata keçirilən siyasətin əsas istiqamətlərindən biridir.

Hazırda Dövlət Proqramı ilə xaricdə təhsil alan 700-dən çox məzunumuz var. Bu məzunların ölkəyə gəlməsi və ölkədə mümkün ola biləcək işlərin, yüksək ixtisaslı işlərin davam etdirilməsi ilə bağlı ayrı-ayrı vaxtlarda tədbirlər həyata keçirilir.

Bu gündə Əmək və Əhalinin Sosial Müdafiəsi Nazirliyi, Məşğulluq Agentliyi ilə birlikdə keçirdiyimiz bu tədbirin də əsas məqsədi budur. Burada hal-hazırda 40-dan çox işəgötürənlər var. Bunların arasında həm özəl şirkətlər, həm beynəlxalq şirkətlər, eyni ilə də dövlət qurumları mövcuddur və 150-dən çox Dövlət Proqramının məzunları da buradadır.

Nəzərə alsaq ki, Dövlət Proqramının ən öndə şərtlərindən biri xaricdə dünyanın nüfuzlu universitetlərində təhsil alıb qayıtmaqdır və beləliklə də peşəkarlığın da timsalıdır”.