
ADRA-da müfəttişlər üçün ünsiyyət və stresədavamlılıq üzrə təlim keçirilib
Azərbaycan Respublikasının Dövlət Reklam Agentliyində (ADRA) müfəttişlərin peşəkar bacarıqlarının inkişaf etdirilməsi, sahibkar və vətəndaşlarla ünsiyyətin daha effektiv qurulması, eləcə də xidmət keyfiyyətinin yüksəldilməsi məqsədilə təlim keçirilib.
ADRA-nın Rəqəmsal inkişaf şöbəsinin Layihələrin və proseslərin idarə edilməsi sektorunun müdiri Aypara Sadıxova tərəfindən aparılan təlimdə stresədavamlılıq, effektiv ünsiyyət, mürəkkəb situasiyalarda düzgün davranış və münaqişəli vəziyyətlərin idarə olunması kimi mövzular ətrafında müzakirələr aparılıb. Həmçinin müfəttişlərin gündəlik fəaliyyəti zamanı qarşılaşdıqları real hallar təhlil edilərək praktiki yanaşmalar nəzərdən keçirilib.
Bu istiqamətdə təlimlər mütəmadi keçirilir və davamlı təşkili nəzərdə tutulur. Məqsəd əməkdaşların kommunikasiya və davranış bacarıqlarını gücləndirmək, qarşılıqlı münasibətlərdə daha peşəkar yanaşmanı təmin etmək, nəticə etibarilə sahibkar və vətəndaş məmnuniyyətini artırmaqdır.
ƏN ÇOX OXUNANLAR
- Bu gün
- Bu həftə
- Bu ay





