Azərbaycan karateçisi Rafael Ağayev (75 kq) Tokio Olimpiadasının qrup mərhələsində sonuncu görüşünü keçirib.

Gazette.az xəbər verir ki, B qrupunda mübarizə aparan R.Ağayev italiyalı Luici Busa ilə qarşılaşıb və rəqibinə 1:3 hesabı ilə məğlub olub. Keçirdiyi ilk üç döyüşdə qələbə qazanan R.Ağayev yarımfinala vəsiqəni təmin edib.

Təmsilçimiz yarımfinalda macarıstanlı Qabor Karoli Harspataki ilə görüşəcək.

Qeyd edək ki, yarımfinala vəsiqə əldə etməklə Rafael Ağayev Tokio-2020 Yay Olimpiya Oyunlarının ən azı bürünc medalını özü üçün təmin etmiş olub.