“SOCAR Petroleum” QSC-də yeni təyinat baş tutub.

Gazette.az xəbər verir ki, Əfqan Noçuyev QSC-nin İnsan resursları departamentinin Əmək münasibətlərinin idarəedilməsi şöbəsinin müdiri təyin edilib.

O, yeni təyinatadək Təhlükəsizlik departamentində baş mütəxəssis vəzifəsində çalışıb. 2023-cü ildən QSC-də işə başlayan Noçuyev əvvəllər Daxili nəzarət və monitorinq şöbəsinin böyük inspektoru vəzifəsində işləyib.

O, 2015-2023-cü illərdə İqtisadiyyat Nazirliyində, 2012-2015-ci illərdə isə Dövlət Şəhərsalma və Arxitektura Komitəsində çalışıb.

Qeyd edək ki, Ə.Noçuyev Vətən Müharibəsi Qəhrəmanı, şəhid Surxay Noçuyevin qardaşıdır.

Məlumat üçün bildirək ki, “SOCAR Petroleum” QSC 2008-ci ildə təsis edilib və Azərbaycan ərazisində “SOCAR” brendi altında neft və qaz məhsullarının alqı-satqısını, eləcə də beynəlxalq standartlara uyğun keyfiyyətli təchizat xidmətini həyata keçirir.

Yurd.Media