Gələn il İtaliyanın Turin şəhərinin ev sahibliyi ilə keçiriləcək 66-cı “Eurovision” mahnı müsabiqəsində 41 ölkə iştirak edəcək.

Bu barədə Avropa Yayım Birliyi (EBU) yaydığı məlumatda qeyd edilib. Bildirilib ki, 41 ölkədən 39-u 2021-ci ildə təşkil edilən müsabiqənin iştirakçıları, 2-si isə musiqi yarışmasına yenidən qayıdan Monteneqro və Ermənistandır.

Avroviziya mahnı müsabiqəsində iştirak edəcək 41 ölkənin 36-sı yarımfinallarda yarışacaq. Yaradıcı ölkələr, Fransa, Almaniya, İspaniya, Böyük Britaniya və ev sahibi İtaliya isə yarışmaya birbaşa finaldan qoşulacaq.

Hər il 200 milyona yaxın insanın izlədiyi canlı musiqi tədbirinin yarımfinalları 2022-ci il mayın 10 və 12-də, finalı isə mayın 14-də ölkənin İtaliyanın ən böyük qapalı arenalarından olan “PalaOlimpico”da keçiriləcək.