Futbol üzrə dünya çempionatında İspaniya və Argentina yığmaları arasında keçiriləcək final oyunu təxirə salına bilər.

Gazette.az "Unikal"a istinadən xəbər verir ki, buna səbəb Kanadada davam edən meşə yanğınları nəticəsində yaranan tüstünün ABŞ-nin şimal ştatlarına qədər yayılmasıdır. Zəhərli hava kütləsinin futbolçuların, məşqçilərin və azarkeşlərin sağlamlığı üçün risk yaratdığı bildirilib.

Artıq Çikaqoda açıq havada keçirilməsi planlaşdırılan bəzi tədbirlər ləğv olunub. Hətta MLS-in müntəzəm mövsümündə keçirilməli olan "Çikaqo Fayr" – "Vankuver Uaytkaps" görüşü də təxirə salınıb.

Tüstünün yaxın günlərdə dağılmayacağı ehtimal olunduğundan, bəzi ekspertlər dünya çempionatının Nyu-Yorkda təşkil ediləcək final matçının da risk altında olduğunu düşünürlər.

Hazırda həlledici qarşılaşmanın təxirə salınacağı ilə bağlı rəsmi qərar yoxdur. Lakin havanın çirklənmə səviyyəsi sağlamlıq üçün təhlükə yaradacağı təqdirdə, FIFA-nın yarışın təqvimində dəyişiklik edilməsini nəzərdə tutan xüsusi protokolları mövcuddur.

Qeyd edək ki, ABŞ, Kanada və Meksikanın birgə ev sahibliyi etdiyi dünya çempionatının final görüşü iyulun 19-da “MetLayf” stadionunda keçiriləcə