“Champions Chess Tour” onlayn şahmat turnirinin finaldan öncəki son mərhələsi olan “Aimchess US Rapid”də pley-off oyunlarının cavab görüşləri keçirilib.

GAZETTE xəbər verir ki, turnirdə iştirak edən qrosmeysterimiz Şəhriyar Məmmədyarov Levon Aronyanla ikinci oyun günündə keçirdiyi 3 görüşdə 1 dəfə məğlub olub, 2 dəfə heç-heçə etməklə ümumi hesabda rəqibinə 2-1 uduzaraq turnirlə vidalaşıb.

Qeyd edim ki, şahmatçılar arasında ilk oyun günündə keçirilən görüşlərdə Şəhriyar Aronyana 1-3 (1 qələbə, 3 məğlubiyyət) hesabı ilə məğlub olmuşdu.

“Aimchess US Rapid”in 1/4 final mərhələsinin digər oyunlarında Maqnus Karlsen (Noveç) Yan-Kriştof Dudaya (Polşa) 2-1 (ilk oyun, 2-1), Rusiya təmsilçisi Vladislav Artemiev isə  ABŞ şahmatçısı Leyner Dominqesə 3-1 (2-2) hesabı ilə qalib gələrək yarımfinala vəsiqə əldə ediblər. İlk oyun günündə Vesli Sodan (ABŞ) güclü olan (2-1) Fransanı təmsil edən Alireza Firuzca ikinci gün rəqibinə məğlub olsa (1-2) da tay-breyklərdə yenidən Sonu məğlub edərək növbəti mərhələyə yüksəlib.

Turnirin yarımfinalında Maqnus Karlsen Levon Aronyanla, Vladislav Artemiev isə Alireza Firuzca ilə üz-üzə gələcək.