Yaponiyada davam edən XVI Yay Paralimpiya Oyunlarında yığmamız ilk gümüş medal əldə edib.

GAZETTE xəbər verir ki, atletika idman növü üzrə ölkəmizi təmsil edən Lamiyə Vəliyeva (T13) 100 metr kateqoriyasında 11.99 saniyə nəticə göstərərək “Tokio-2020”-nin gümüş medalına sahib olub. Bu Azərbaycan Milli Paralimpiya Komandasının “gündoğar ölkə”də qazandığı ilk gümüş medaldır.

Belə ki, idmançılarımız buna qədər paralimiyadada 10 qızıl və 4 bürünc medala sahib olmuşdular.

Qeyd edək ki, Lamiyə Vəliyeva ilə eyni kateqoriyada mübarizə aparan paraaeltlərimizdən Yulia Yanovskaya 12.30 saniyəlik nəticə göstərərək final mərhələsini 4-cü, Yelena Çebanu isə 12.41 saniyəlik nəticə ilə 7-ci pillədə tamamlamağı bacarıb.