Yunan-Roma güləşçimiz Rafiq Hüseynov Tokio-2020 Yay Olimpiya Oyunlarının bürünc medalına sahib olub.

Gazette.az xəbər verir ki, 77 kq. çəkidə üçüncü yer uğrunda görüşdə ermənistanlı rəqibi Karapet Çalyanla qarşılaşan Rafiq Hüseynov rəqibinə 4:1 hesabıyla qalib gələrək Olimpiadanın bürünc medalını əldə edib.

Qeyd edək ki, bu Yaponiyaya yollanan güləş yığmamızın qazandığı ilk, ölkəmizin isə əldə etdiyi 3-cü bürünc medaldır.

Xatırladaq ki, bundan öncə qadın cüdoçumuz İrina Kindzerska və bokçumuz Alfonso Dominqes Tokio Olimpiadasında bürünc medala sahib olmuşdular.