Rusiyanın iqtisadi inkişaf naziri Maksim Reşetnikovun çıxışı zamanı Yaponiya, ABŞ və daha 3 ölkənin təmsilçiləri Asiya-Sakit Okean İqtisadi Əməkdaşlığı (APEC) təşkilatının ticarət nazirlərinin görüşünü tərk ediblər.

Gazette.az TASS-a istinadən xəbər verir ki, bu barədə Yaponiyanın “Kyodo” agentliyi məlumat yayıb.

Xatırladaq ki, APEC nazirlərinin iclası Tailandın Banqkok şəhərində keçirilir. Reşetnikov tədbirə videoformatda qoşulub.

İclası tərk etmək haqqında qərar Rusiyanın Ukraynadakı əməllərinə etiraz əlaməti olaraq qəbul edilib.