ABŞ Qara dənizdə Rusiya ilə münaqişəyə girməyəcək.

Gazette.az CNN-ə istinadən xəbər verir ki, bunu Pentaqonun sözçüsü Con Kirbi deyib.

Onun sözlərinə görə, Vaşinqton Ukraynada döyüşmək üçün Amerika əsgərlərini göndərmək niyyətində deyil.

"Prezident Cozef Bayden açıq şəkildə bildirdi ki, biz Amerika əsgərlərini Ukraynaya döyüşməyə göndərmək fikrində deyilik. Bu, həm hava, həm də dənizdə aparılan əməliyyatlara aiddir", - Kirbi qeyd edib.

Bununla yanaşı, Pentaqon rəsmisi əlavə edib ki, Vaşinqton Ukrayna ərazisindən taxıl ixracı üçün ABŞ ordusunu cəlb etməyi planlaşdırmır.