Azərbaycan Respublikası Əmək və Əhalinin Sosial Müdafiəsi Nazirliyi, Gənclər və İdman Nazirliyi, Milli Paralimpiya Komitəsinin dəstəyi ilə Boccia İdman Federasiyası (3-7 aprel) Xorvatiyanın Zagreb şəhərində keçirilən "Boccia İdman növü üzrə Qitələrarası Çempionat"da iştirak edib. Baş Məşqçi İlham Məhərrəmovun rəhbərliyi altında ölkəmizi təmsil edən milli komandanın idmançılarından BC2 kateqoriyası üzrə Sona Ağayeva I yer qızıl, BC4 kateqoriyasi üzrə Bəhruz Mirzəyev I yer qızıl, BC2 kateqoriyası üzrə Orxan Kərimov bürünc medal qazanmışdır. Vətənə qələbə ilə geri qayıdan Bocciaçıları Gənclər və İdman Nazirliyi, "Motivator Azərbaycan" komandası, Federasiyanın işçi və idmançı heyəti qarşıladı. Qələbə qazanan bocciaçılar bu qələbəni 44 günlük Vətən Müharibəsinin qaliblərinə, şəhid ailələrinə və qazilərinə həsr etdiklərin bildiriblər.