Orqanizmdə melinin çox olması piqment ləkələrin yaranmasına gətirib çıxarır. Bu hal hormon pozuntusu olanda, günəş şüasına məruz qaldıqda olur. Dəridə yaranan ləkələri ev şəraitində aradan qaldırmaq heç də çətin deyil.

Gazetteaz Axşam.az-a istinadən xəbər verir ki,  mətbəxdə olan tərəvəzlərlə ləkələri aradan qaldıra bilərsiniz:

Qırmızı soğan maskası bu sırada ilk yerdə dayanır. Onu dərini ağartma məqsədiylə istifadə edə bilərsiniz. Piqment ləkələrin yaranmasının qarşısını qırmızı soğan alacaq. Soğanı xırda doğrayın, onu bir dəsmalın arasında tökün və ləkə olan hissəyə qoyun. 10 dəqiqə saxlayıb, götürün.

Qatıq və süddən istifadə edərək ləkələrə qarşı maska hazırlaya bilərsiniz. Orqanik qatıq və südü qarışdırıb ləkə olan hissəyə sürtün.

Tut yarpağını və ya özünü ləkə üçün istifadə edə bilərsiniz. Qurudulmuş tut yarpaqlarını islatın hər gün ləkənin üstünə qoyun.

Aloe şirəsi bir çox vasitələr kimi ləkələr üçün də xeyirlidir. Aloeni əzib və ya şirəsini sıxıb ləkə üzərinə çəkin.