Qadın voleybolçulardan ibarət Azərbaycan milli komandası Avropa çempionatında son oyununa çıxıb.

GAZETTE xəbər verir ki, komandamız qrup mərhələsində sonuncu oyununda Fransa yığması ilə qarşılaşıb. Görüş Fransa millisinin 3:1 hesablı qələbəsi ilə yekunlaşıb.

AÇ-da F qrupunda mübarizə aparan yığmamız Belçika, Rusiya, Serbiya, Bosniya və Herseqovina milli komandaları ilə keçirdiyi oyunlarda rəqiblərinə eyni hesabla, 0:3 hesabı ilə məğlub olub.

Beləliklə, qrup mərhələsində bütün görüşlərini məğlubiyyətlə başa vuran Azərbaycan millisi Avropa çempionatında mübarizəni dayandırıb.