Dünyada gündəlik neft hasilatı yanvar ayında 560 min barel artaraq 98,7 milyon barel təşkil edib.

Gazetteaz xəbər verir ki, bu barədə Beynəlxalq Enerji Agentliyinin (IEA) yanvar hesabatında bildirilir.

Bununla yanaşı, OPEC+ qrupu tərəfindən hasilatı artırmaq razılaşmasının yarımçıq yerinə yetirilməsi nəticəsində dünya bazarına 2021-ci ilin əvvəlindən bu yana 300 milyon barel əksik neft tədarük olduğu da qeyd edilir.

Hesabata görə, OPEC+ qrupunun tətbiq etdiyi məhdudiyyətlər bütövlükdə ləğv edilərsə, 2022-ci ildə dünyada gündəlik neft hasilatı 6,3 milyon barel arta bilər.

Xatırladaq ki, koronavirus pandemiyası üzündən dünya neft bazarında tələbatın kəskin azalmasını nəzərə alaraq OPEC+ qrupu 2020-ci ilin may ayından etibarən hasilatı (2018-ci ilin oktyabrı səvyyəsinə nisbətən) 9,7 milyon barel azaldıb. İqtisadi vəziyyət sabitləşdikcə ixtisar həcmini də azaldan qrup iştirakçıları 2021-ci ilin avqust ayından gündəlik hasilatın həcmini hər ay 400 min barel artırır. Cari ilin sonunadək hasilatın ixtisarına dair bütün öhdəlikləri başa çatdırmaq nəzərdə tutulur.