Azərbaycan Futbol Federasiyaları Assosiasiyasının (AFFA) yeni “match.affa.az” saytı və “@AFFA.istedadlar” sosial media layihələri ictimaiyyətə təqdim olunub.

Tədbirdə AFFA-nın həyata keçirdiyi rəqəmsal platformalar və gənc futbolçuların inkişafı istiqamətində görülən işlər barədə hesabat verilib.

Daha sonra layihələrlə bağlı videoçarx nümayiş olunub.

AFFA-nın baş katibi Cahangir Fərəcullayev Azərbaycanda təşkil olunacaq 15 yaşadək futbolçular arasında dünya çempionatı üçün 10 meydançanın istifadəyə veriləcəyini deyib.

Qurum rəsmisi təqdim olunan rəqəmsal platformaların uşaqların futbola marağının artırılmasına təsir göstərəcəyini qeyd edib.

Qeyd edək ki, “match.affa.az” saytında gənclər futbolu, yarışlar və inkişaf mövzularında məqalələr yayımlanacaq. Platforma vasitəsilə, həmçinin AFFA-nın aşağı yaş qrupları üzrə təşkil etdiyi çempionatlar haqqında məlumat əldə etmək mümkün olacaq.