Azərbaycanlı peşəkar kikboksçu Alim Nəbiyev “Glory” təşkilatında növbəti döyüşünə çıxıb.

Niderlandın Arnem şəhərindəki “GelreDome” arenasında keçirilən “Glory79” turnirində Alim Nəbiyev ABŞ təmsilçisi Troy Consla üz-üzə gəlib.

Yarımorta çəki dərəcəsində çıxış edən 27 yaşlı kikboksçumuz 5 raund davam edən döyüşdə rəqibinə hakimlərin qərarı ilə 5:0 (30:27, 29:28, 29:28, 29:28, 29:28) qalib gəlməyi bacarıb.

Qeyd edək ki, bu Alimin peşəkar karyerasında 60-cı döyüşü olub. Onun hesabında 52 qələbə və 8 məğlubiyyət var. 

Xatırladaq ki, “Glory”nin reytinq siyahısında 6-cı sırada qərarlaşan Nəbiyev təşkilatın yarışlarında keçirdiyi 8 döyüşdən 6-da qələbə qazanmağa müvəffəq olub.