“Böyük Dəbilqə” seriyalı tennis turnirində kişilərin mübarizəsində final qarşılaşması keçirilib.

GAZETTE xəbər verir ki, dünyanın 1 nömrəli raketka ustası Novak Cokoviçlə (Serbiya) ATP reytinqinin 2-cisi Daniil Medvedevin (Rusiya) üz-üzə gəldiyi həlledici görüşdə sevinən tərəf Medvedev olub. Rusiyalı tennisçi final matçında Cokoviçə hər 3 setdə eyni hesabla (6-4) qalib gələrək karyerası ərzində ilk dəfə olaraq “US Open” turnirinin kubokuna yiyələnib. Bu nəticə ilə Daniil Medvedev fərdi yarışlarda Yevgeni Kafelnikov və Marat Safindən sonra “Grand Slam” turnirlərində qalib gələn üçüncü rusiyalı kişi tennisçi kimi adını tarixə yazıdırıb.

Finalda rəqibinə məğlub olan Novak Cokoviç karyerası ərzində 20 dəfə qazandığı “Böyük Dəbilqə” seriyalı turnirlərdə eyni sayda çempion olan Rocer Federer (İsveçrə) və Rafael Nadalı (İspaniya) geridə qoymaq şansını itirmiş olub. Eyni zamanda Cokoviç qalib gələcəyi təqdirdə il ərzində hər dörd “Böyük Dəbilqə” turnirində qalib gələn 4-cü, 52 ildən sonra bu nəticə imza atmış ilk raketka ustası olacaqdı.