“Tokio-2020” Yay Paralimpiya Oyunlarında iştirak edən daha bir idmançımız qızıl medal qazanıb.

GAZETTE xəbər verir ki, milli paralimpiya komandamızın üzvü 18 yaşlı Vəli İsrafilov üzgüçülük yarışında (S12 – 100 metr brass) 1:04.86 nəticə ilə çempion olmaqla yanaşı Paralimpiya rekordunu qırmağı bacarıb.

Bununla bərabər “Tokio-2020”-də qızıl medal qazanan Vəli həm də Azərbaycanın ən gənc paralimpiya çempionu kimi tarixə düşüb. 

Qeyd edək ki, bu Azərbaycan paralimpiyaçılarının Yaponiyada əldə etdikləri 11-cı qızıl medal olub. Komandamızın aktivində 1 gümüş və 4 bürünc medal da var.