“Champions Chess Tour” onlayn şahmat turnirinin finaldan öncə son mərhələsi olan “Aimchess US Rapid”də pley-off oyunları keçirilib.

GAZETTE xəbər verir ki, turnirdə iştirak edən qrosmeysterimiz Şəhriyar Məmmədyarov 1/4 finalda ilk oyun günündə Levon Aronyana 1-3 hesabı ilə məğlub olub. 

Şahmatçımız növbəti mərhələyə vəsiqə əldə etmək üçün bu gün keçiriləcək cavab görüşündə erməni rəqibinə mütləq qalib gəlməlidir. Belə olan halda rəqiblər tay-breyk görüşlərində qüvvələrini sınayacaqlar. İkinci oyun günündə məğlubiyyət və ya heç-heçə Şəhriyar Məmmədyarovun turnirlə vidalaşması anlamına gələcək.