Dörd ölkə, Serbiya, Bolqarıstan, Xorvatiya və Rumıniyanın təşkilatçılığı ilə keçirilən qadın voleybolçular arasında Avropa çempionatında 1/4 final mərhələsinə vəsiqə əldə edən bütün yığma komandalar bəlli olub.

GAZETTE xəbər verir ki, 1/8 final mərhələsində Niderland Almaniyanı, Türkiyə isə Çexiyanı eyni hesabla məğlub edib, 3-1. Serbiya Macarıstan millisini 3-0 hesabı ilə rahat keçibsə, Xorvatiya – Fransa və Bolqarıstan – İsveç görüşlərində qaliblər yalnız 5 setin sonunda müəyyənləşib. Turnirin hər iki təşkilatçısı məğlub olub.

1/8 finalda İtaliya – Belçika, Rusiya – Belarus və Polşa – Ukrayna qarşılaşmaları birincilərin 3-1 hesablı qələbəsi ilə yekunlaşıb.

Başa çatan oyunlardan sonra 1/4 final mərhələsində qarşılaşacaq cütlüklər aydınlaşıb.

Bu gün Bolqarıstanın Plovdiv şəhərində keçiriləcək qarşılaşmalarda Türkiyə Polşa ilə, İsveç isə Niderlandla yarımfinala çıxmaq uğrunda mübarizə aparacaqlar.

Sentyabrın 1-də Belqradda (Serbiya) baş tutacaq matçlarda isə İtaliya Rusiya ilə, Serbiya isə ilk dəfə 1/4 finala yüksələn Fransa ilə üz-üzə gələcək.

31 avqust. Plovdiv, Bolqarıstan.

18:30.  İsveç – Niderland

21:30. Türkiyə – Polşa

1 sentyabr. Belqrad, Serbiya.

19:00. İtaliya – Rusiya

22:00. Serbiya – Fransa