İyulun 30-da futbol üzrə Azərbaycan Premyer Liqasının 2021/22-ci illər mövsümünün püşkü atılıb.

Gazette.az xəbər verir ki, AFFA-nın inzibati binasında təşkil olunan püşkatma mərasimində Peşəkar Futbol Liqasının prezidenti Ramin Musayev, Premyer Liqada çıxış edən klubların nümayəndələri, jurnalistlər iştirak ediblər.

Çempionatın birinci turunun oyunları avqustun 14-15-də keçiriləcək. Yeni mövsümün ilk turunda “Zirə”–“Qarabağ”, “Neftçi”–“Qəbələ”, “Keşlə”–“Sumqayıt” və “Sabah”–“Səbail” görüşləri oynanılacaq.

Turun təqvimi barədə yaxın günlərdə ətraflı məlumat veriləcək.