Tokio-2020 Yay Olimpiya Oyunlarında iştirak edən İrina Kindzerska ölkəmiz adına ilk medalı əldə edin.

Gazette.az xəbər verir ki, bu gün mübarizəyə qoşulan qadın cüdoçumuz ilk görüşünü Bosniya və Herseqovinadan olan Larisa Tseriçə qarşı keçirib və rəqibinə ipponla qalib gəlib. +78 kq-da güləşən İrina Kindzerska növbəti ippon fəndini 1/4 finalda Cənubi Koreyadan olan Mi Jin Hana qarşı həyata keçirib və yarımfinala vəsiqə qazanıb.

Yarımfinal mərhələsində yaponiyalı dünya çempionu Akira Soneyə məğlub olan cüdoçumuz finala yüksələ bilməsə də, bürünc medal uğrunda görüşdə çinli Hu Şinyana ipponla qalib gələrək Tokioda ölkəmiz adına ilk medalı qazanıb.

Qeyd edək ki, “Tokio-2020”-də 9 idmançı ilə təmsil olunan cüdo komandamızdan yalnız İrina Kindzerska fəxri kürsüyə yüksələ bilib.