Bakı Dövlət Universitetinə (BDU) yeni prorektor təyin olunub.

Ölkə.az-ın əldə etdiyi xəbərə görə, bu barədə elm və təhsil naziri Emin Əmrullayev müvafiq əmr imzalayıb.

Əmrə əsasən, Mirzə Mirzəyev BDU-nun maliyyə-təsərrüfat işləri üzrə prorektor vəzifəsinə gətirilib. O, son təyinatadək BDU rektorunun maliyyə və inzibati məsələlər üzrə müşaviri vəzifəsində çalışıb.

Qeyd edək ki, bundan əvvəl həmin vəzifədə Nəbi Ramazanlı işləyib. O, bir müddət əvvəl tutduğu postdan azad edilib.  

Xatırladaq ki, Mirzə Rəşid oğlu Mirzəyev 29 avqust 1965-ci ildə Bakı şəhərində anadan olub.

1983-cü ildə D.Bünyadzadə adına Azərbaycan Xalq Təsərrüfatı İnstitutunun Maliyyə-statistika fakültəsinə daxil olub.

1984-1986-ci illərdə hərbi xidmət keçib.

1989-cu ildə D.Bünyadzadə adına Azərbaycan Xalq Təsərrüfatı İnstitutunu maliyyə ixtisası üzrə bitirib.

1989-1990-cı illərdə Əli-Bayramlı şəhər Maliyyə şöbəsində ştat üzrə müfəttiş;

1990-1992-ci illərdə Bakı şəhər Maliyyə İdarəsinin Dövlət gəlirlərinin və vergilərin proqnozlaşdırılması şöbəsində iqtisadçı;

1992-1996-cı illərdə Bakı şəhər Maliyyə İdarəsinin Dövlət gəlirlərinin və vergilərin proqnozlaşdırılması şöbəsində baş mütəxəssis;

1996-1998-ci illərdə Bakı şəhər Maliyyə İdarəsinin Dövlət gəlirlərinin və vergilərin proqnozlaşdırılması şöbəsinin rəisi;

1998-2003-cü illərdə Bakı şəhəri Əzizbəyov rayon Maliyyə idarəsinin rəisi;

2003-2008-ci illərdə Bakı şəhəri Xətai rayon Maliyyə idarəsinin rəisi;

2008-2009-cu illərdə Suraxanı rayonu üzrə Maliyyə İdarəsinin rəis müavini;

2009-2015-ci illərdə Maliyyə Nazirliyinin Dövlət Xəzinadarlığı Agentliyinin 5 saylı Xəzinadarlıq İdarəsinin rəisi;

2015-2019-cu illərdə Maliyyə Nazirliyinin Dövlət Xəzinadarlığı Agentliyinin 11 saylı Xəzinadarlıq İdarəsinin rəisi;

2019-2020-ci illərdə BDU rektorunun maliyyə məsələləri üzrə müşaviri;

2020-2026-cı illərdə BDU rektorunun maliyyə və inzibati məsələlər üzrə müşaviri vəzifələrində çalışıb.

2020-ci ildən Beynəlxalq münasibətlər və iqtisadiyyat fakültəsinin Menecment kafedrasının dosentidir.

2007-ci ildə dissertasiya müdafiə edərək iqtisad elmləri üzrə fəlsəfə doktoru elmi dərəcəsi alıb. 

Ailəlidir, iki övladı var.