Hərbi əməliyyatlar başlayandan indiyədək Ukraynadan Polşaya gələn qaçqınların sayı 922 mini ötüb.

Gazette Az xəbər verir ki, bu barədə ölkənin sərhəd xidməti tviterdə məlumat yayıb.

Təkcə ötən gün sərhədçilər Ukraynadan gələn 129 min nəfəri keçiriblər.

"Proqnozlar göstərir ki, fevralın 24-dən etibarən Polşaya Ukraynadan daxil olacaq insanların sayı bu gün 1 milyonu keçəcək", - Polşa sərhəd mühafizəsinin sözçüsü Anna Miçalskaya bildirib.

Ukraynadan Polşaya gələnlərin çoxu qaçqınlar üçün xüsusi qəbul mərkəzlərinin xidmətlərindən istifadə edir, onların nümayəndələri ölkənin müxtəlif bölgələrində yerləşdirməni təşkil edirlər.