Türkiyə Respublikasının aparıcı xəbər kanalları və informasiya agentliklərinin nümayəndələri Şərqi Zəngəzur və Qarabağa səfər çərçivəsində Ağdam rayonu ərazisində icra edilən humanitar minatəmizləmə əməliyyatları ilə tanış olub.

Media nümayəndələri ölkəmizin üzləşdiyi mina problemi, bu problemin aradan qaldırılması istiqamətində həyata keçirilən fəaliyyət, eləcə də tətbiq olunan müasir texnologiyalar və təhlükəsiz bərpa prosesində humanitar minatəmizləmənin rolu barədə ətraflı məlumatlandırılıb, müsahibələr verilib.