Tokioda keçirilən XVI Yay Paralimpiya Oyunlarında Azərbaycan paracüdo yığması çıxışını başa vurub.

GAZETTE xəbər verir ki, “Tokio-2020”-yə 5-i qadın, 6-sı kişi olmaqla ümumilikdə 11 paracüdoçu ilə yollanan yığmamız uğurla çıxış edərək Azərbaycanın aktivinə 8 medal yazdırmağı bacarıblar ki, medalların da 6-sı qızıl, 2-si isə bürüncdür.

Paralimpiya Oyunlarında iştirak edən qadın cüdoçularımızdan Şahanə Hacıyeva (-48 kq), Sevda Vəliyeva (-57 kq), Xanım Hüseynova (-63 kq), Dürsədəf Kərimova (+70 kq), kişi cüdoçularımızdan Vüqar Şirinli (-60 kq) və Hüseyn Rəhimli (-81 kq) qızıl medal qazanıblar. Namiq Abbaslı (-66 kq) və İlham Zəkiyev (+100 kq) isə paralimpiyadanın bürünc medalına sahib çıxıblar.

Qeyd edək ki, paracüdoçularımızdan yalnız Bəsti Səfərova və Kənan Abdullaxanlı medalçılar sırasına düşə bilməyiblər. 

Xatırladaq ki, digər paracüdoçumuz, “Rio-2016” Yay Paralimpiya Oyunlarının qalibi Ramil Qasımov Yaponiyaya yollansa da yeni növ koronavirus infeksiyasına yoluxduğu üçün yarışlardan kənarlaşdırılmışdı.