Texnologiya bazarında yeni böhran: Yaddaş çipləri niyə çatışmır?

Dünyada kompüter yaddaşı (DRAM) çatışmazlığı yaxın illərdə aradan qalxmayacaq. Əksinə, 2027-ci ildə vəziyyət daha da ağırlaşacaq və bazardakı gərginlik ən azı 2028-ci ilin sonuna qədər davam edəcək.

Bu barədə "PC Mag" nəşri "Samsung" şirkətinin icraçı vitse-prezidenti Kim Cecdjunun açıqlamasına istinadən məlumat yayıb.

Onun sözlərinə görə, operativ yaddaş bazarında yaranan qlobal çatışmazlığın əsas səbəbi süni intellekt texnologiyalarına tələbatın kəskin artmasıdır. İstehsal xətlərinin böyük hissəsi artıq NVIDIA, AMD və digər süni intellekt sistemləri üçün tələb olunan yüksək sürətli HBM yaddaş çiplərinin istehsalına yönəldilib.

Nəticədə fərdi kompüterlər, noutbuklar və smartfonlarda istifadə olunan adi DRAM yaddaş çiplərinin istehsal həcmi məhdudlaşıb.

"Samsung" ən böyük müştərilərini yaddaş çipləri ilə təmin etmək üçün artıq uzunmüddətli müqavilələr bağlayır. Şirkətin məlumatına görə, gələcək istehsal güclərinin təxminən 60-70 faizi əvvəlcədən sifariş edilib.

Şirkət bildirir ki, süni intellekt serverləri üçün yaddaş çiplərinin satışından rekord gəlirlər əldə olunsa da, istehsalı qısa müddətdə artırmaq mümkün deyil. Çünki yeni yarımkeçirici zavodlarının tikintisi və istehsal xətlərinin işə salınması 2-4 il vaxt tələb edir.

"Samsung"un proqnozu bu sahədəki əsas rəqiblərdən biri olan SK Hynix şirkətinin qiymətləndirməsi ilə də üst-üstə düşür. Şirkət 2027-ci ili yaddaş çiplərinin tədarükü baxımından "sənaye tarixinin ən çətin ili" adlandırıb.

Analitiklərin fikrincə, yaddaş çatışmazlığı və qiymət artımı onilliyin sonuna qədər davam edə bilər.

Bazarın gərgin vəziyyəti artıq digər texnologiya məhsullarının qiymətlərinə də təsir edir. Belə ki, NVIDIA bu il üçüncü dəfə videokartlarının qiymətlərini artırmağa qərar verib. Yeni artımın 20-30 faiz olacağı bildirilir.

Bundan başqa, analitiklər hesab edirlər ki, 2026-cı ilin sonuna qədər yaddaş çatışmazlığı səbəbindən bəzi texnologiya şirkətləri bazarı tərk edə və ya məhsul çeşidini azaltmağa məcbur ola bilər. Məlumata görə, ASUS və Meizu artıq smartfon bazarından çıxdıqlarını rəsmən açıqlayıblar.(qaynarinfo)

SON XƏBƏRLƏR

Milli Parkın ərazisində qanunsuz ov edən şəxs saxlanılıb

Məktəblərdə tətil bitdi, 1-ci gündən dərslər başlayır

FHN-in qurumları arasında sərbəst güləş çempionatına yekun vurulub

İlham Əliyev: Vyetnam bizim üçün dost ölkə və strateji tərəfdaşdır

Qaz limitləri sıfırlanır - Vətəndaşların nəzərinə!

Hanoyda İlham Əliyevin və Mehriban Əliyevanın şərəfinə rəsmi nahar verilib

Məleykə Abbaszadə yeni vəzifəsində ilk onu işdən çıxardı

Neftçalada YAP-ın 34-cü ildönümü münasibətilə tədbir keçirilib

BDYPİ-nin həftəsonu səfərə hazırlaşan sürücülərə müraciəti

21 Noyabr – Ümumdünya Salamlaşma Günüdür

Azərbaycan-Vyetnam sənədləri mübadilə olunub

Bakı aeroportunun tualetində 60 minlik qızıl tapıldı

İlham Əliyev gürcüstanlı həmkarına başsağlığı verib

Milli Məclisin növbəti iclasının vaxtı və gündəliyi açıqlanıb

Bakıda avtoxuliqanlıq edən sürücü həbs olundu

Ordumuzun mayoru qəfil vəfat etdi

Milli Məclisin növbəti iclasının vaxtı və gündəliyi açıqlanıb

Jurnalistlərin öz hesablarındakı paylaşımların bəyənmə sayı da əsas götürüləcək

İlhamə Abdullayeva bu vəzifəyə təyin olunub

Paytaxtda qarlı havalara hazırlıqla bağlı müşavirələr başa çatdı

BÜTÜN XƏBƏRLƏR