Tovuz rayon Heydər Əliyev Mərkəzində “Uşaqların əmək hüquqları”, “Məcburi əmək və insan alverinin qarşısının alınması”, eləcə də “İş yerlərində əməyin mühafizəsi” mövzularında maarifləndirici tədbir keçirilib.

Tədbir “Uşaq Hüquqları Aylığı” çərçivəsində təşkil olunub. Görüşdə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Qazax–Tovuz regional şöbəsinin, regionun hüquq-mühafizə orqanlarının əməkdaşları, eləcə də işəgötürənlər iştirak ediblər.

Tədbirdə uşaq əməyinin istismarına qarşı mübarizənin əhəmiyyəti, uşaqların əmək hüquqlarının qorunması istiqamətində görülən tədbirlər, eləcə də məcburi əmək və insan alverinin qarşısının alınması üçün birgə fəaliyyətin vacibliyi vurğulanıb.

Bununla yanaşı, Əməyin Mühafizəsi Mərkəzinin fəaliyyət istiqamətləri və əməyin mühafizəsi sahəsində görülən işlər barədə məlumat verilib. Müəssisələrdə əməyin mühafizəsi üzrə standart, norma və qaydaların tətbiqinə göstərilən dəstək qeyd olunub, iştirakçılar yeni qəbul edilmiş standartlarla bağlı məlumatlandırılıblar.