Müharibə veteranları üçün qurulmuş təsərrüfatlara mediatur təşkil olunub

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi şəhid ailələri və müharibə veteranları üçün özünüməşğulluq proqramı çərçivəsində yaradılmış kiçik təsərrüfatlara növbəti mediatur təşkil edib. 

Jurnalistlər bu dəfə proqramın dəstəyi ilə Masallı rayonunda şəhid ailəsi və müharibə veteranları üçün qurulmuş kiçik təsərrüfatlarla tanış olublar.

Onlara tarixi Zəfərimizlə başa çatan Vətən müharibəsində şəhid olmuş qəhrəmanlarımızın ailə üzvlərinin, müharibə veteranlarının sosial dəstəklə təminatı tədbirləri barədə məlumat verilib.  

Qeyd olunub ki, bu tədbirlər çərçivəsində postmüharibə dövründə şəhid ailələrinin üzvləri və müharibə iştirakçılarından ibarət 27,8 min şəxsin məşğulluğu təmin edilib, onlardan 13,3 min şəxs üçün özünüməşğulluq proqramı çərçivəsində kiçik bizneslər yaradılıb, 13,2 min şəxs isə münasib işlərlə təmin edilib. Məşğulluq tədbirlərinə cəlb olunan şəhid ailələri üzvləri və müharibə iştirakçılarından 1,3 min şəxs üçün isə əmək bazarının tələblərinə uyğun peşələr üzrə hazırlıq kursları təşkil olunub.    

Media nümayəndələri əvvəlcə Vətən müharibəsi veteranı Qulamhüseyn Mirzəyevin xidmət sahəsində olublar. O, özünüməşğulluq proqramı çərçivəsində avadanlıqlarla təmin olunaraq kiçik foto atelyesini yaradıb.  

Jurnalistlər Vətən müharibəsində şəhidlik zirvəsinə ucalan Səməndər İsgəndərovun atası Vahid İsgəndərov və müharibə veteranı Ədalət Məmmədov üçün yaradılmış kiçik təsərrüfatlarla da tanış olublar. Özünüməşğulluq proqramı üzrə aktivlərlə təmin edilərək V.İskəndərov avtomobil şinlərinin bərpası və təmiri xidmətləri, Ə.Məmmədov isə avtotəmizləmə xidmətləri istiqamətləri üzrə öz kiçik biznes sahələrini qurublar.

Proqram iştirakçıları dövlətin dəstəyini hər zaman hiss etdiklərini, onların sosial müdafiəsinin gücləndirilməsi sahəsində aparılan işlərə, həmçinin öz təsərrüfatlarını yaratmaları üçün göstərilən dəstəyə görə Prezident İlham Əliyevə minnətdarlıqlarını ifadə ediblər. 

SON XƏBƏRLƏR

Milli Parkın ərazisində qanunsuz ov edən şəxs saxlanılıb

Məktəblərdə tətil bitdi, 1-ci gündən dərslər başlayır

FHN-in qurumları arasında sərbəst güləş çempionatına yekun vurulub

İlham Əliyev: Vyetnam bizim üçün dost ölkə və strateji tərəfdaşdır

Qaz limitləri sıfırlanır - Vətəndaşların nəzərinə!

Hanoyda İlham Əliyevin və Mehriban Əliyevanın şərəfinə rəsmi nahar verilib

Məleykə Abbaszadə yeni vəzifəsində ilk onu işdən çıxardı

Neftçalada YAP-ın 34-cü ildönümü münasibətilə tədbir keçirilib

BDYPİ-nin həftəsonu səfərə hazırlaşan sürücülərə müraciəti

21 Noyabr – Ümumdünya Salamlaşma Günüdür

Azərbaycan-Vyetnam sənədləri mübadilə olunub

Bakı aeroportunun tualetində 60 minlik qızıl tapıldı

İlham Əliyev gürcüstanlı həmkarına başsağlığı verib

Milli Məclisin növbəti iclasının vaxtı və gündəliyi açıqlanıb

Bakıda avtoxuliqanlıq edən sürücü həbs olundu

Ordumuzun mayoru qəfil vəfat etdi

Milli Məclisin növbəti iclasının vaxtı və gündəliyi açıqlanıb

Jurnalistlərin öz hesablarındakı paylaşımların bəyənmə sayı da əsas götürüləcək

İlhamə Abdullayeva bu vəzifəyə təyin olunub

Paytaxtda qarlı havalara hazırlıqla bağlı müşavirələr başa çatdı

BÜTÜN XƏBƏRLƏR