Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Sadiq Əliyevin Abşeron rayonunda vətəndaş qəbulu keçirilib.

Qəbulda Abşeron rayon sakinləri iştirak ediblər.

Səsləndirilən müraciətlər, əsasən, işlə təmin olunma, özünüməşğulluq proqramından yararlanma və qurumun fəaliyyətinə aid digər sahələrlə bağlı olub.

Vətəndaşlara məşğulluq tədbirlərinin icrası qaydaları və qanunvericiliyin tələbləri izah edilib, müraciətlərdə qeyd edilən məsələlərin həll edilməsi ilə bağlı müvafiq göstərişlər verilib.