Ağcabədi rayonunun 3 kəndi qaz üzünə həsrətdir.

Gazetteaz Xəzər TV-yə istinadən xəbər verir ki, söhbət Sarıcalı, Poladlı və Taynaq kəndlərindən gedir.

Sakinlərin sözlərinə görə, belə vəziyyət 30 ilə yaxındır ki, davam edir. Onlar məsələ ilə bağlı dəfələrlə aidiyyəti qurumlara müraciət etdiklərini deyirlər.

Məsələ ilə bağlı "Azəriqaz" İstehsalat Birliyinin şöbə rəisi Teymur Cəfərov bildirib ki, sözügedən problemdən xəbərdardırlar. Onun sözlərinə görə, 2 minə yaxın sakini olan həmin kəndlərin 2023-cü ildə qazla təmin olunması nəzərdə tutulub.