"Avropa İttifaqı (Aİ) Azərbaycanın işğaldan azad edilmiş ərazilərində həyata keçirilən minatəmizləmə fəaliyyətinə dəstək verir".

Gazette Az xəbər verir ki, bunu ADA Universitetində “Şərq Tərəfdaşlığı” proqramının fəaliyyətinə həsr olunmuş tədbirdə çıxış edərkən Aİ-nin Azərbaycandakı səfiri Peter Mixalko bildirib.

“Aİ münaqişəsonrası şəraitdə həm Azərbaycanı, həm də Ermənistanı dəstəkləyir. Biz, regionda sülh və sabitlik naminə əməkdaşlıq edirik. İşğaldan azad edilmiş ərazilərində minatəmizləmə fəaliyyətinin həyata keçirilməsi üçün UNDP vasitəsilə ANAMA-ya vəsait ayırmışıq və bu prosesi bundan sonra davam etdirmək niyyətindəyik”, - o deyib.