Həftədə bir dəfə kabab yemək uzunmüddətli perspektivdə sağlamlıq üçün ciddi problemlərə səbəb ola bilər.

Bunu rusiyalı diyetoloq-qastroenteroloq Nuriya Dianova bildirib.

Onun sözlərinə görə, kömürdə bişirilmiş ət çox vaxt sağlam qida hesab olunsa da, quzu və mal əti doymuş yağ turşuları ilə zəngindir. Bu növ ətin hər həftə müntəzəm istehlakı damarların elastikliyini azaldır, xroniki iltihabı gücləndirir və arterial təzyiqin yüksəlməsinə səbəb ola bilir.

Diyetoloq qeyd edib ki, doymuş yağlar qaraciyərdə "pis" xolesterinin istehsalını artırır. Nəticədə xolesterin damar divarlarında toplanaraq aterosklerotik lövhələrin yaranmasına səbəb olur.

Həkimin sözlərinə görə, heyvanmənşəli yağların həddindən artıq qəbulu mədəaltı vəzi və öd kisəsini yükləyir, piylənmiş qaraciyər, pankreatit və öd daşı xəstəliyi riskini artırır. Bundan əlavə, bu cür qidalanma hüceyrələrin insulinə həssaslığını azaldaraq, artıq çəkisi olmayan insanlarda belə II tip şəkərli diabetin inkişaf riskini yüksəldə bilər.(oxu.az)