Həkim-dietoloq, terapevt və nefroloq Reqina Axunyanova ideal səhər yeməyinin düsturunu açıqlayıb.

"Ölkə.az" xəbər verir ki, bu barədə o, UfaTime.ru nəşrinə müsahibəsində məlumat verib.

Həkim səhər yeməyini “iltihab əleyhinə boşqab” prinsipi ilə yeməyi tövsiyə edib. Axunyanova izah edib ki, bu yemək zülal və lifi özündə birləşdirir. Onun sözlərinə görə, ideal səhər yeməyi istənilən zülal mənbəyindən, təxminən 250-300 qram tərəvəzdən və bir dilim tam taxıllı çörəkdən ibarətdir. Şirin yemək istəyənlərə isə həkim bir-iki ədəd xurma yeməyi məsləhət görüb.

Axunyanova əmin edib ki, belə bir yemək uzun müddət toxluq hissi yaradır, şirniyyata olan tələbatı azaldır, həmçinin iştahanı nəzarətdə saxlamağa və axşamlar artıq yeməməyə kömək edir. Həkim xüsusi olaraq qeyd edib ki, belə rasion həm çəki azaltmaq, həm də sağlamlığı qorumaq üçün uyğundur.