Belə pəhriz ishal və mədə yanğısı yaradır - Diyetoloqdan xəbərdarlıq

Sürətli çəki itkisi vəd edən kokteyl əsaslı arıqlama məhsulları geniş yayılıb. Lakin mütəxəssislər bu məhsulların sağlamlıq baxımından ciddi risklər daşıdığına diqqət çəkir.

Ölkə.Az-ın məlumatına görə, diyetoloq Hicran Şirinova bildirib ki, bu tip məhsullar real qidanı əvəz etmir və metabolik sağlamlığa mənfi təsir göstərə bilər.

Onun sözlərinə görə, kokteyl əsaslı arıqlama məhsulları təbii qida hesab edilmir, çünki çeynənmir, qida strukturu yaratmır və mədə-bağırsaq sistemini aktivləşdirmir. Laboratoriyada hazırlanmış, işlənmiş toz formalı bu məhsullar real qidanın verdiyi lif, ferment aktivliyi və çeynəmə refleksi kimi vacib mexanizmləri təmin etmir.

Mütəxəssis xüsusilə insulin və şəkər balansı mövzusunda risklərə diqqət çəkir.

“Şəkəri azdır” ifadəsinin insulin baxımından təhlükəsiz anlamına gəlmədiyini vurğulayan H.Şirinova bildirir ki, maye qidalar, rafinə karbohidratlar və lif çatışmazlığı insulin cavabını yüksəldə bilər. Bu səbəbdən insulin dirənci, PCOS, qaraciyər yağlanması və prediabet mərhələsində olan şəxslər üçün bu məhsullar uyğun sayılmır.

Diyetoloqun fikrincə, işlənmiş və maye qidalar mədə turşusu ifrazını zəiflədir, həzmi yarımçıq saxlayır və tez aclıq hissi yaradır. Nəticədə şişkinlik, qaz, qəbizlik, ishal və mədə yanması kimi problemlər ortaya çıxır. O qeyd edir ki, bu təsirlər təsadüfi deyil və arxasında konkret fizioloji mexanizmlər dayanır.

Hicran Şirinova əlavə edib ki, bu kokteyllərin tərkibində olan izolyasiya olunmuş zülallar, dadlandırıcılar və emulqatorlar bağırsaq mikrobiotasını real qida kimi qidalandıra bilmir və uzunmüddətli istifadədə disbioz riskini artırır. “Bağırsaq tozla yox, qida ilə sağalır”, – deyə o vurğulayıb.

Mütəxəssis sonda bildirir ki, kokteyl əsaslı sistemlər qısa müddətdə çəki azalmasına səbəb ola bilər, lakin metabolizmanı və insulin balansını bərpa etmir. Onun sözlərinə görə, sağlamlıq real qida, çeynəmə, lif və qida müxtəlifliyi üzərində qurulur: “Arıqlamaq hər zaman sağlamlaşmaq demək deyil. Metabolik sağlamlıq isə yalnız tərəzidə görünmür.”

SON XƏBƏRLƏR

Milli Parkın ərazisində qanunsuz ov edən şəxs saxlanılıb

Məktəblərdə tətil bitdi, 1-ci gündən dərslər başlayır

FHN-in qurumları arasında sərbəst güləş çempionatına yekun vurulub

İlham Əliyev: Vyetnam bizim üçün dost ölkə və strateji tərəfdaşdır

Qaz limitləri sıfırlanır - Vətəndaşların nəzərinə!

Hanoyda İlham Əliyevin və Mehriban Əliyevanın şərəfinə rəsmi nahar verilib

Məleykə Abbaszadə yeni vəzifəsində ilk onu işdən çıxardı

Neftçalada YAP-ın 34-cü ildönümü münasibətilə tədbir keçirilib

BDYPİ-nin həftəsonu səfərə hazırlaşan sürücülərə müraciəti

21 Noyabr – Ümumdünya Salamlaşma Günüdür

Azərbaycan-Vyetnam sənədləri mübadilə olunub

Bakı aeroportunun tualetində 60 minlik qızıl tapıldı

İlham Əliyev gürcüstanlı həmkarına başsağlığı verib

Milli Məclisin növbəti iclasının vaxtı və gündəliyi açıqlanıb

Bakıda avtoxuliqanlıq edən sürücü həbs olundu

Ordumuzun mayoru qəfil vəfat etdi

Milli Məclisin növbəti iclasının vaxtı və gündəliyi açıqlanıb

Jurnalistlərin öz hesablarındakı paylaşımların bəyənmə sayı da əsas götürüləcək

İlhamə Abdullayeva bu vəzifəyə təyin olunub

Paytaxtda qarlı havalara hazırlıqla bağlı müşavirələr başa çatdı

BÜTÜN XƏBƏRLƏR