Yeni araşdırmada kakao tərkibindəki **polifenolların beyin sağlamlığına mümkün təsirləri** araşdırılıb. Nəticələr göstərir ki, kakao əhval-ruhiyyənin yaxşılaşmasına, stress və depressiya əlamətlərinin azalmasına, həmçinin bağırsaq mikrobiotasına təsir göstərə bilər.

Gazette.az Medicina.az-a istinadla xəbər verir ki, tədqiqatlarda xüsusilə yüksək kakao tərkibli tünd şokoladın bəzi insanlarda əhval-ruhiyyəyə müsbət təsir etdiyi müşahidə olunub. Heyvanlar üzərində aparılan araşdırmalarda isə kakao yaddaş, öyrənmə və beynin yeni əlaqələr yaratmaq qabiliyyətini yaxşılaşdırıb.

Lakin insanlarda nəticələr daha fərqlidir. Bəzi tədqiqatlarda yaddaş və diqqətdə cüzi yaxşılaşma müşahidə edilsə də, geniş klinik araşdırmalar kakaonun ümumi idrak qabiliyyətini əhəmiyyətli dərəcədə artırdığını təsdiqləməyib.

Alimlər bildirirlər ki, kakaonun beyin üçün faydaları ümidverici görünsə də, xüsusilə yaddaş və idrakla bağlı təsirlər hələ tam sübut olunmayıb. Daha geniş və uzunmüddətli araşdırmalara ehtiyac var.