Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Abşeron Sosial Xidmət Mərkəzində sosial reabilitasiya proqramına cəlb olunmuş benefisiarlar üçün Hərbi Qənimətlər Parkına ekskursiya təşkil edilib.

İştirakçılar park ərazisində nümayiş etdirilən hərbi texnika və qənimətlərlə tanış olublar.  Azərbaycan Ordusunun Vətən müharibəsindəki qələbə yolu və qəhrəmanlıq nümunələri barədə ətraflı məlumat əldə ediblər.

Ekskursiya benefisiarlarda vətənpərvərlik hissini gücləndirmək, milli qürur hissini formalaşdırmaq, həmçinin onların sosial, emosional və psixoloji inkişafına dəstək göstərmək məqsədi daşıyıb.

Bu cür tədbirlər benefisiarların cəmiyyətə inteqrasiyasının gücləndirilməsi və tarixi-mənəvi dəyərlərin aşılanması məqsədilə mütəmadi olaraq təşkil edilir.