"Azərişıq" ASC-nin kredit və borc öhdəlikləri 2025-ci ildə əhəmiyyətli dərəcədə artıb.

Plat.az-ın şirkətin 2025-ci il üzrə konsolidə edilmiş maliyyə hesabatına əsasən apardığı hesablamalara görə, qurumun uzunmüddətli kredit və borc öhdəlikləri 2024-cü ilin sonundakı 77 milyon 730 min manatdan 2025-ci ilin sonunda 336 milyon 989 min manata yüksəlib.

Beləliklə, bu öhdəliklər bir il ərzində 259 milyon 259 min manat və ya 4,3 dəfə artıb.

Bununla yanaşı, cari kredit və borc öhdəlikləri isə 398 milyon 656 min manatdan 186 milyon 834 min manata enib.

Nəticədə, "Azərişıq"ın ümumi kredit və borc öhdəlikləri 2024-cü ilin sonundakı 476 milyon 386 min manatdan 2025-ci ilin sonunda 523 milyon 823 min manata çatıb. Bu isə ümumi borcun 47 milyon 437 min manat artması deməkdir.

Qeyd edək ki, hesabat dövründə şirkətin xalis mənfəəti də azalıb. Belə ki, "Azərişıq" 2025-ci ili 8 milyon 372 min manat xalis mənfəətlə başa vurub. Halbuki 2024-cü ildə bu göstərici 15 milyon 553 min manat təşkil etmişdi.