Fransada davam edən güclü istilər heyvandarlıq sektoruna ciddi ziyan vurub.

Bu barədə Fransanın kənd təsərrüfatı naziri Annie Genevard açıqlama verib.

O bildirib ki, ölkənin Bretan bölgəsində 6 min ton ev quşu isti hava səbəbindən tələf olub.

Nazirin sözlərinə görə, havanın temperaturu 40 dərəcəni keçdiyi üçün quşlar sərinləyə bilməyib. Hökumət quşçuluq təsərrüfatlarına ventilyasiya və soyutma sistemlərinin quraşdırılması üçün kredit ayıracaq, zərərin ödənilməsi ilə bağlı isə sığorta şirkətləri ilə danışıqlar aparılacaq.

Qeyd edək ki, Fransada iyunun ortalarından davam edən isti səbəbindən 109 nəfər həyatını itirib, məktəblər bağlanıb. Bəzi məktəb, xəstəxana və evlərdə binaları sərin saxlamaq üçün pəncərələr termal örtüklərlə bağlanıb.(qafqazinfo)