Azərbaycan Prokurorluğunun veteranı Pirməmmədov Həsrət Teymur oğlunun 70 illik yubileyinin tamam olması ilə əlaqədar Baş prokuror Kamran Əliyevin adından təbrik məktubu təqdim edilib.

Görüş zamanı veteran prokuror xatirələrini bölüşərək Azərbaycan Respublikasının Prezidenti cənab İlham Əliyev tərəfindən göstərilən qayğı nəticəsində prokurorluq orqanlarının maddi-texniki bazasının möhkəmləndirilməsi, prokurorluq işçilərinin və onun veteranlarının maddi və sosial rifahının yüksəlməsini qeyd edib.

Həsrət Pirməmmədov 1982-ci ildə prokurorluq orqanlarında qulluğa qəbul olmuş, əvvəllər Azərbaycan Respublikasının Baş prokuroru yanında xüsusilə mühüm işlər üzrə müstəntiq, Baş Prokurorluğun İstintaq idarəsinin xüsusilə təhlükəli cinayətlərin istintaqı şöbəsinin xüsusilə mühüm işlər üzrə böyük müstəntiqi, Baş Prokurorluğun İstintaq idarəsinin xüsusilə mühüm işlər üzrə böyük müstəntiqi, Ağcabədi rayon prokuroru, Baş Prokurorluğun Prokurorluqda istintaqa nəzarət idarəsinin rəis müavini, Bakı şəhərinin Səbail və Yasamal rayonlarının prokuroru, eləcə də digər vəzifələrdə işləyib.

Söhbət zamanı dövlətçilik maraqlarının keşiyində hər zaman mətinliklə duran, şərəfli inkişaf yolu keçmiş, prokurorluğun adını daim uca tutan veteranlarımızın ömür yolunun gənc nəsil prokurorluq işçiləri üçün örnək olması vurğulanıb.