Kardioloq Aurelio Roxas sağlamlığı daha da yaxşılaşdırmaq üçün qış pəhrizinizə üç meyvə daxil etməyi məsləhət görüb.

Həkim bununla bağlı "Deia" nəşrinə danışıb.

Roxas insanları soyuq mövsümdə hər gün alma yeməyə çağırıb, çünki o xolesterolu aşağı salan liflə zəngindir. O, bu meyvənin digər faydalı xüsusiyyətləri arasında qan şəkərini və xolesterol səviyyəsini normallaşdırmaq və bununla da ürək-damar xəstəlikləri riskini azaltmaq qabiliyyətinin olduğunu vurğulayıb.

Həkim növbəti meyvə kimi portağalı məsləhət görüb. Bu meyvə C vitamini və flavonoidlərlə zəngindir. Portağal immunitet sistemini gücləndirir, iltihabı azaldır və damar sağlamlığını yaxşılaşdırır.

Mütəxəssis əlavə edib ki, pəhrizə kivi daxil etmək isə qan təzyiqini idarə etməyə və ürək sağlamlığını yaxşılaşdırmağa kömək edəcək.(publika)