Milli Məclisin Şuşada keçiriləcək növbəti birgə komitə iclasının vaxtına dəyişiklik edilib.

Parlamentin İctimai birliklər və dini qurumlar komitəsi ilə İnsan hüquqları komitəsinin Şuşa şəhərində keçiriləcək birgə iclası aprelin 27-də baş tutacaq.

Toplantının daha əvvəl aprelin 29-da keçirilməsi nəzərdə tutulmuşdu. İclasda "İşğaldan azad edilmiş ərazilərdə dini abidələrin bərpası sahəsində tədbirlər", "Böyük Qayıdış: Məcburi köçkünlərin torpaq və əmlak hüquqlarının təmin edilməsində beynəlxalq hüquq və humanitar təsisatların yeri və rolu", "Şuşa ili: Qarabağda zəfərin davamı kimi beynəlxalq hüquqi, regional və humanitar nəticələr" mövzularında dinləmələr keçriləcək.