Şuşada ümumi tutumu 7 milyon kubmetr olan su anbarının yaradılması ilə bağlı texniki-iqtisadi əsaslandırma sənədləri hazırlanır.

Gazette az xəbər verir ki, bunu “Azərsu” ASC-nin Planlaşdırma və layihələndirmə departamentinin rəis müavini Ceyhun Məmmədov bildirib

Onun sözlərinə görə, su anbarı Şuşa şəhərinin dayanıqlı su təminatı məqsədilə yaradılır: “Şuşa şəhərində davam edən quruculuq işlərini nəzərə alsaq, yay aylarında yaranacaq su tələbatını qarşılamaq üçün hazırda təxirəsalınmaz tədbir kimi orda müvəqqəti su bəndinin yaradılması, yeni nasos stansiyasının tikintisi, ordan isə şəhərə magistral su kəməri ilə suyun çatdırılması planlaşdırılır”.

C.Məmmədov deyib ki, Şuşa işğaldan azad olunduqdan sonra şəhəri su ilə təmin edən Kiçik Kirs və Zarıslı mənbələrinin fəaliyyəti qısa müddət ərzində bərpa edilib, magistral kəmərlərdə və su anbarlarında təmir-bərpa işləri həyata keçirilib.