Dövlət Reklam Agentliyi 2021-ci il üzrə maliyyə hesabatlarının beynəlxalq standartlara uyğun auditi üçün açıq tender elan edib.

Gazette az xəbər verir ki, tenderdə iştirak haqqı 500 manatdır.

İddiaçılar ilkin sənədləri mayın 18-i, saat 09:00-a qədər, tender təklifi və onun dəyərinin 1%-i qədər bank təminatını isə mayın 26-sı, saat 09:00-a qədər dövlət satınalmalarının vahid internet portalı vasitəsi ilə təqdim edə bilərlər.

Tenderin nəticəsi mayın 27-də, saat 09:00-də portalda açıqlanacaq.