Ötən ildə ABŞ-da pullu oyunlarının ümumi dövriyyəsi 53 milyard dollar təşkil edib.

Gazetteaz xəbər verir ki, bu barədə Amerika Oyunlar Assosiasiyası (AGA) tərəfindən məlumat verilib.

Bildirilib ki, bu rəqəm 2019-cu ildə əldə edilmiş əvvəlki rekord göstəricidən 2 faiz, lokdaunlarla yadda qalan 2020-ci ilə nisbətən də 67 faiz çoxdur. O cümlədən qumar, avtomatlar kimi ənənəvi oyunlarının dövriyyəsi 45 milyard dollar təşkil edib ki, bu da 2019-cu ilə nisbətən 6,6 faiz artım deməkdir.

İdman mərc oyunlarının dövriyyəsi isə 2019-cu ilə nisbətən 366 faiz, 2020-ci ilə isə nisbətən 177 faiz artaraq 4,3 milyard dollara çatıb.

Oyun sektorundakı bu artımın səbəbləri arasında oyunların qanuni olduğu ştatların 33-dək çoxalması göstərilir.