BMT-nin İnkişaf Proqramı, Ailə, Qadın və Uşaq Problemləri üzrə Dövlət Komitəsi və ABŞ Beynəlxalq İnkişaf Agentliyinin təşkilatçılığı ilə Gender əsaslı zorakılıqla mübarizə üzrə İlkin yardım tərəflərinin 1-ci Milli Konfransı keçirilib.

Tədbirdə çıxış edən Dövlət Komitəsinin sədri Bahar Muradova gender əsaslı zorakılıq hallarından söz açıb.

ABŞ-ın Azərbaycandakı səfiri Li Litzenberger pandemiyanın qadın zorakılığı hallarına təsirindən danışıb.

BMT-nin Azərbaycandakı nümayəndəliyində Rezident nümayəndənin səlahiyyətlərini icra edən Çaru Bist bildirib ki, qadınlara qarşı zorakılıq halları pandemiyadan sonra artıb. Tədbirdə müvafiq təlim kurslarını başa vuran qadınlara sertifikatlar verilib.

Tədbir panel müzakirələri ilə davam edib.