Əfqanıstanın Nanqarhar əyalətinin Şpinqar rayonunda məsciddə yerli vaxtla 13:30-da kamikadze özünü partladıb.

Partlayış nəticəsində 3 nəfər ölüb, 18 nəfər yaralanıb.

İlkin məlumatlara görə, ölənlər arasında iki uşaq, həmçinin, məscidin imamı da var.

Ölən və yaralananların sayının artacağı istisna edilməyib.

Təhlükəsizlik qüvvələri 3 nəfəri şübhəli şəxs qismində saxlayıb.

Əfqanıstanın informasiya və mədəniyyət nazirinin müavini Zabihullah Mücahid tvitter hesabında bildirib ki, cinayətkarlar İslam qanunlarına uyğun cəzalandırılacaqlar.