“Əvvəllər bank kartları kimi maliyyə kağızları var idi. Burada çox geniş sui-istifadə halları var idi”.

Bunu Milli Məclisin Əmək və sosial siyasət komitəsinin iclasında əmək və əhalinin sosial müdafiəsi naziri Sahil Babayev deyib.

Nazir bildirib ki, belə hallarla bütün rayonlarda rast gəlinib: “Pensiya ödənişi zamanı nöqtə vergülünün yerini dəyişməklə 1 ayda 10 dəfə artıq pensiya ödənilirdi. Sonra texniki xəta kimi göstərilir və səhəri gün texniki xətaya görə 1 manat tutulurdu. Yəni 300 manat pensiya ödənişi yerinə 3000 manat pensiya ödənişi edilirdi, amma texniki xətaya görə 1 manat çıxılırdı. Bununla bağlı ciddi iş aparıldı və maliyyə ödənişlərinin hamısı mərkəzləşdirildi və elektron xəzinə quruldu. Təkcə bundan cari ildə qənaət 10-12 milyon manat ətrafındadır. Digər məsələ sosial ödənişlərin təyinatının mərkəzləşdirilməsi ilə bağlıdır”.