Portuqaliya Prezidenti Marselo Rebelo de Sousa ölkə parlamentinin buraxılması və 2022-ci il 30 yanvar tarixində növbədənkənar seçkilərin keçirilməsi barədə qərar qəbul edib.

Prezidentin bu addımı atmasına səbəb Portuqaliyada gələn il üçün nəzərdə tutulan büdcə layihəsinin uzun illər sonra parlamentdən keçməməsi olub.

Ötən həftə Respublika Assambleyası hökümətin 2022-ci il üçün təklif etdiyi büdcəsi layihəsini qəbul etməmişdi.

Qeyd edək ki, qanunverici orqanda büdcə layihəsinin əsas əleyhdarları olan solçular və kommunistlər hökümətdən gələn ilin büdcəsində səhiyyə sistemində islahatların keçirilməsi, pensiya və əmək haqlarının artırılması üçün daha çox vəsaitin ayrılmasını tələb edirlər.